ក្រចេះ៖ បុរសម្នាក់ ផឹកស្រាសស្រវឹងផ្ទុះហិង្សាដោយសារភ្លើងប្រចណ្ឌ បានយកពូថៅទៅកាប់ជនរងគ្រោះវ័យចំណាសម្នាក់ ជាច្រើពូថៅ ស្ទើរបាត់បង់ជីវិត កាលពីនៅវេលាម៉ោង៤រសៀល ថ្ងៃទី២២ ខែមីនា ឆ្នាំ២០១៨ នៅភូមិចឹង ឃុំឃ្សឹម ស្រុកស្នួល ខេត្តក្រចេះ ។
មន្រ្តីនគរបាលស្រុកស្នួល បានឲ្យដឹងថា ករណីហិង្សានេះ បង្កដោយជនសង្ស័យឈ្មោះ ធី សុផល ភេទប្រុស អាយុ២៩ឆ្នាំ ជនជាតខ្មែរ រស់នៅភូមិចឹង ឃុំឃ្សឹម ស្រុកស្នួល បានធ្វើសកម្មភាព យកពូថៅកាប់ទៅលើជនរងគ្រោះវ័យចំណាស់ម្នាក់ មានឈ្មោះ សាន់ សារឿន ភេទប្រុស អាយុ៥០ឆ្នាំរស់នៅភូមិជាមួយគ្នា កំពុងអង្គុយលេងក្នុងផ្ទះត្រូវបានជនដៃដល់កាប់ចំនួន២ពូថៅ បណ្ដាលឲ្យរងរបួសធ្ងន់
ក្រោយពីកើតហេតុ កម្លាំងអធិការដ្ឋាននគរបាលស្រុកស្នួល បានឃាត់ខ្លួនជនសង្ស័យមកសួរនាំនៅអធិការដ្ឋានស្រុកស្នួល ក្រោយពីកម្លាំងជំនាញសួរនាំជនសង្ស័យ បានសារភាពថា មូលហេតុដែលខ្លួនកាប់ជនរងគ្រោះនោះ ដោយសារប្រចណ្ឌប្រពន្ធរបស់ខ្លួន ជាមួយនិងជនរងគ្រោះ ហើយខ្លួនបានផឹកស្រាសស្រវឹងកមានចិត្តខឹង ជាមួយជនរងគ្រោះជាខ្លាំង បានពូថៅទៅកាប់ជនរងគ្រោះ បណ្ដាលឲ្យដួលទៅនិងដីស្ទើរបាត់បង់ជីវិត បន្ទាប់មកខ្លួនបានរត់ចេញពីកន្លែងកើតហេតុ តែត្រូវសមត្ថកិច្ចឃាត់ខ្លួនបាន ។
បច្ចប្បន្ន ជនដៃដល់ត្រូវបានឃាត់ខ្លួនបណ្ដោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ជូនទៅសាលាដំបូងខេត្តក្រចេះ ចាត់ការតាមនីតិវិធីច្បាប់៕ប្រភពcampost
