កណ្ដាល ៖ បុរសជាគ្រូបង្រៀនម្នាក់ តែងតែមកអង្គុយផឹកកាហ្វេជារៀងរាល់ថ្ងៃដូចសព្វដង តែដល់ម៉ោងហាងត្រូវបិទអស់ភ្ញៀវហើយ គេឃើញសល់តែជនរងគ្រោះម្នាក់ ស្រាប់តែគេទៅដាស់ ទើបដឹងថា គាត់បានស្លាប់បាត់បង់ជីវិតទាំងអង្គុយលើ កៅអី ហើយផ្អើលឆោឡោឡើងតែម្ដង។
ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង៨៖១០នាទីយប់ ថ្ងៃសៅរ៍ ៧រោច ខែចេត្រ ឆ្នាំរកា នព្វស័ក ពុទ្ធសករាជ២៥៦១ ត្រូវនឹងថ្ងៃទី៧ ខែមេសា ឆ្នាំ២០១៨ ត្រង់ចំណុចហាងកាហ្វេយីហោ “ហេង សំណាង” តាមបណ្ដោយផ្លូវលេខ១១០ ស្ថិតក្នុងភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។ប្រភព ពី មន្ត្រី ប៉ូលិស បាន ប្រាប់ អោយ ដឹង ថា សព ជន រង គ្រោះ មានឈ្មោះ ឆឹង សុខុម អាយុ ៤១ ឆ្នាំ មុខរបរ ជា គ្រូបង្រៀន នៅ សាលា បឋម សិក្សា ខ្ពប វែង និង មាន ទីលំនៅ ភូមិ កំពង់ សំណាញ់ សង្កាត់ ព្រែក ហូរ ក្រុង តា ខ្មៅ ខេត្តកណ្តាល ។
បើ តាម សមត្ថកិច្ច ជំនាញ ប ចេ្ច ក ទេស កោសល្យវិច័យ ក្រុង តា ខ្មៅ ដែល បាន ចុះ មក ធ្វើ កោសល្យវិច័យ ពិនិត្យ សាកសព នោះ នៅ មិន ទាន់ ប្រាប់ ឲ្យ ដឹង អំពី មូលហេតុ ស្លាប់ របស់ ជន រង គ្រោះ នៅឡើយ ទេ ។ ស្រប ពេល វិ ដេ អូ ពី កាមេរ៉ា សុវត្ថិភាព ក្នុង ហាង កាហ្វេ ខាងលើ នេះ បាន បង្ហាញ ពី សកម្មភាព របស់ ជន រង គ្រោះ បាន កន្ត្រាក់ ដៃជើង និង ក្បាល រួច ក៏ ដាច់ខ្យល់ ភ្លាម ៗ តែ ម្ដង ។នៅ កន្លែង កើតហេតុ បើ តាម សម្ដី ស្ត្រី ម្ចាស់ ហាង កាហ្វេ និយាយ ថា នៅ មុន ពេល កើត ហេតុ ជន រង គ្រោះ បាន ជិះ ម៉ូតូ សង់កា រ៉េ មួយ គ្រឿង ពណ៌ ក្រហម ហើយ គាត់ តែងតែ កាន់ បាយ មួយ ប្រអប់ រួច ចូល មក អង្គុយ
កន្លែង ហាង កាហ្វេ យីហោ ខាងលើ នេះ ជា រៀង រាល់ថ្ងៃ ។ ប៉ុន្តែ នៅ ថ្ងៃ កើតហេតុ នេះ គេ ឃើញ គាត់ សម្រាន្ត លក់ លើ កៅអី នោះ ដែរ ដោយ គ្រប់ គ្នា នឹក ស្មានថា គាត់ អស់កម្លាំង ទើប គ្រប់ គ្នា មិន ចាប់អារម្មណ៍ ហើយ ក៏ លក់ កាហ្វេ ជា ធម្មតា ។លុះដល់ ម៉ោង ជិត បិទ ហាង ម្ចាស់ ហាង ឃើញ គាត់ សម្រាន្ត លក់ យូរ អ៊ីចឹង ក៏ ទៅ ដាស់ តែ មិន ភ្ញាក់ សោះ ស្រាប់តែ យកដៃ ទៅ អង្រួន ស្មារ ទើប ដឹង ថា គាត់ បាន ដាច់ខ្យល់ ស្លាប់ ទៅ ហើយ ទើប បង្ក ឲ្យ មានការ ផ្អើល ឆោឡោ យ៉ាង ខ្លាំង តែ ម្តង ដល់ បងប្អូន ប្រជាពលរដ្ឋ និង អ្នកដំណើរ នាំ គ្នា ចុះ មក ចោមរោម មើល កកកុញ ពេញ មុខ ហាង កាហ្វេ ខាងលើ នោះ ។
ក្រោយ ពេល កើតហេតុ នារី ដែល ជា ម្ចាស់ ហាង ក៏ បាន ទាក់ទង រាយការណ៍ ទៅ កាន់ សមត្ថកិច្ច ចុះ មក កន្លែង កើតហេតុ ភ្លាម ៗ ផង ដែរ ។ បន្ទាប់ មក សមត្ថកិច្ច បាន ធ្វើការ ពិនិត្យ រួច យក សាកសព ទៅ តម្កល់ ទុក នៅ មន្ទីរពេទ្យ បង្អែក ជ័យ ជំនះ បណ្តោះអាសន្ន ដើម្បី ទាក់ទង ទៅ សាច់ញាតិ ឲ្យ មក ទទួល សាកសព យក ទៅ ធ្វើបុណ្យ តាម ប្រពៃណី ៕
