តារាចម្រៀងពីរដួងរបស់ប្រចាំផលិតកម្មរស្មីហង្សមាស គឺស្រីស្រស់ ទេព បូព្រឹក្ស និងបុរសសង្ហារ G-devith កំពុងកើនសន្ទុះនៃការគាំទ្រពីសំណាក់យុវវ័យខ្លាំង ក្រោយពេលបានចាប់ដៃគូ និងចេញបទចម្រៀង អត្ថន័យស្វីតៗ ជាមួយគ្នារួចមក។ ជាពិសេសគេគ្រប់គ្នាតែងតែឃើញថា តារាទាំងពីរដួងនេះ តែងតែទៅណាមកណាជាមួយគ្នា និងមានវត្តមានសឹងតែគ្រប់កម្មវិធីជាមួយគ្នាថែមទៀតផង។
យើងធ្លាប់តែឃើញតារាប្រុសស្រីទាំង២នាក់ស្លៀកពាក់បែបសិចស៊ីយុវវ័យស៊ីវិល័យ តែព្រឹកមិញនេះពិតជាប្លែកភ្នែកមែនពេលឃើញតារាទាំង២នាក់នេះ ស្លៀកពាក់បែបប្រពៃណីខ្មែរលក្ខណៈអាវប៉ាក់ហូលផាមួង ធ្វើឲ្យមហាជនជាច្រើននាំគ្នាកោតសរសើរថាស្អាត និងសមគ្នាយ៉ាងខ្លាំង។ តើប្រិយមិត្តទាំងអស់គ្នាចូលចិត្តពួកគាត់ស្លៀកពាក់បែបស៊ីវីល័យ ឬបែបប្រពៃណីខ្មែរ?
