ខេត្តបន្ទាយមានជ័យ៖ កាលពីព្រឹកថ្ងៃទី២១ ខែមីនា ឆ្នាំ២០១៨
សេចក្តីរាយការណ៍បឋមបានឱ្យដឹងថា មានករណីភ្ញាក់ផ្អើលមួយបានកើតឡើង
ដោយសារបុរសជាប្តីបានមកប្តឹងសមត្ថកិច្ចឱ្យចុះទៅអន្តរាគមន៍
នៅកន្លែងកើតហេតុភ្លាមៗ បន្ទាប់ពីគាត់រកប្រពន្ធឃើញតាមប្រព័ន្ធ GPS
ក្រោយសង្ស័យជាយូរមកហើយថា បានផិតក្បត់ទៅលួចមានសហាយ
ជាមួយបុរសជនជាតិចិន។
ប្រភពបានបន្តថា ស្ត្រីជាប្រពន្ធមានអាយុ១៩ឆ្នាំ
រស់នៅភូមិសាមគ្គីមានជ័យ សង្កាត់និងក្រុងប៉ោយប៉ែត
ចំណែកបុរសជាប្តីឈ្មោះរ៉ូ អាយុជាង20ឆ្នាំ មានទីលំនៅភូមិ
និងសង្កាត់ផ្សារកណ្តាល ។
រីឯបុរសជនជាតិចិនដែលជាសង្ស័យថា
ជាសហាយនោះនៅមិនទាន់ដឹងឈ្មោះនៅឡើយទេ
ព្រោះត្រូវសមត្ថកិច្ចបានឃាត់ខ្លួននាំទៅអធិការដ្ឋានបាត់ ។បើតាមបុរសជាប្តីបានប្រាប់ឱ្យដឹងថា ខ្លួននិងប្រពន្ធ
បានរៀបការនឹងគ្នាដោយស្របច្បាប់កាលពីខែធ្នូ ឆ្នាំ2016
ប៉ុន្តែរស់នៅជាមួយគ្នាបានមួយរយៈ នាងចេះតែលួចលាក់ចេញទៅក្រៅ
ធ្វើឲ្យខ្លួនមានការសសង្ស័យ។
ក្រោយមក ខ្លួនបានតាមដានតាមប្រព័ន្ធ
GPS ទើបដឹងថា នាងជាប្រពន្ធមានទំនាក់ទំនងជាមួជនជាតិចិននោះមែន
រហូតខ្លួនខឹងក៏ទៅដាក់ពាក្យប្តឹង
និងទាមទារបណ្តាការចំនួន5000ដុល្លារ។ តែនាងបដិ សេធ
ហើយព្រមឲ្យតែ1100ដុល្លារទេ ។
មិនតែប៉ុណ្ណោះ
បុរសជាប្តីចាប់បានសារទាក់ទងគ្នា
ដែលប្រែតាមប្រព័ន្ធបកប្រែពីខ្មែរទៅចិន
និងពីចិនទៅខ្មែរជាហូរហែ។យ៉ាងណាក៏ដោយជុំវិញករណីនេះ
កោះសន្តិភាពមិនទាន់អាចសាកសួរបំភ្លឺពីស្ត្រីជាប្រពន្ធបាននៅឡើយទេព្រោះនាងត្រូវសមត្ថកិច្ចនាំចេញទៅបាត់
។
