ភ្នំពេញ៖ អាណិត ណាស់ ស្ត្រីជាកម្មករក្នុងរោងចក្រទឹកកក ម្នាក់ ត្រូវមេការរោងចក្រទឹកកវាយបែក្បាល ហូឈាម រត់ទៅប្តឹងប៉ូលីសប៉ុស្ត៏ រដ្ឋបាល ដង្កោរ ទាំង ឈាមហូស្រោចខ្លួន អោយជួយរកយុត្តិធម៌ តែ ពេលទៅដល់ ត្រូវបាននគរបាលប៉ុស្តិបដិសេធ ពន្យារពេលទទួលពាក្យបណ្តឹង ជនរងគ្រោះ ដោយប្រើសម្តី គំរួស គម្រើយ ទៅកាន់ស្ត្រីរងគ្រោះថា(អង្គុយចាំសិនទៅព្រោះនគរបាលកំពុងរវល់ការពារក្បួនសម្តេច ស ខេង អស់ហើយ) ។
ករណីនេះបានកើតឡើងនៅព្រឹកថ្ងៃទី ០៣ ខែមេសា ឆ្នាំ ២០១៨ នៅរោងចក្រផលិតទឹកកក ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។ស្ត្រីរងគ្រោះមានឈ្មោះ ទើប រ៉ន ភេទស្រី អាយុ៣៧ ឆ្នាំ ស្នាក់នៅក្នុងរោងចក្រទឹកកកតែម្តង ចំណែកអ្នកវៃគាត់ឈ្មោះ សៅ ជាមេកា ក្នុងរោងចក្រទឹកកក ។ ស្ត្រីរងគ្រោះដែលត្រូវបានជនបង្កវៃបែកក្បាល ទទូចស្នើដល់នគរបាលខណ្ឌដង្កោជួយអន្តរាគមន៍ចាប់ជនបង្កយកមកផ្តល់ទោសតាមផ្លូវច្បាប់។
សាក្សីបាននិយាយឲ្យដឹងថា នៅព្រឹកថ្ងៃកើតហេតុគេឃើញ ស្ត្រីម្នាក់ រត់ទាំង មានឈាមប្រលាក់ ជោកខ្លួន រត់ ទៅកាន់ ប៉ុស្តិរដ្ឋបាលដង្កោ ដើម្បីដាក់ពាក្យ បណ្តឹង ប្តឹង ជនបង្កជាមេ ការរោងចក្រទឹក ដែលបានប្រើអំពើហឹង្សាមកលើនាង ប៉ុន្តែអ្វីដែល ស្ត្រីរូបនោះហួសចិត្ត និយាយស្ទើរមិនចេញដោយសារតែ មន្ត្រីនគរបាលម្នាក់ បានប្រាប់ ស្ត្រីរូបនោះវិញថា ឲ្យអង្គុយរងចាំសិនទៅ ព្រោះនគរបាលកំពុងរវល់ការពារក្បួនសម្តេច ស ខេង អស់ហើយ។បន្ទាប់ពីលឺ សម្តី ន្ត្រីយុត្តិធម៌ និយាយ បែបនេះបានធ្វើស្ត្រីរងគ្រោះបាក់ទឹកចិត្តយ៉ាងខ្លាំង ដោយសារគាត់គិតថា គេវៃគាត់បែកក្បាល គាត់ខំត្រដរត់មករកសមត្ថកិច្ចជួយ អន្តរាគមន៍ចាប់ជនបង្ក តែបែរជាគ្មានអ្នកជួយទៅវិញ ។
ប្រជាពលរដ្ឋដែលឃើញហេតុការណ៏បានសម្តែងការហួសចិត្តអាណិតស្ត្រីរូប នោះ ដោយបានបញ្ចេញទស្សនះផ្ទាល់ខ្លួនថា ជាធម្មតាប៉ុស្តិរដ្ឋបាល នីមួយៗ ត្រូវដាក់មន្ត្រីរបស់ខ្លួនម្នាក់ប្រចាំការនៅស្នាក់ការ រង់ចាំទទួលបណ្តឹងនឹងទទួលសេចក្តីរាយការណ៍របស់ពលរដ្ឋក្នុងមូលដ្ឋានខ្លួន ដើម្បីងាយស្រួលក្នុងការអន្តរាគមន៍ទាន់ពេលវេលា តែផ្ទុយទៅវិញនគរបាលប៉ុស្តិរដ្ឋបាលដង្កោហាក់បីដូចមិនយកចិត្តទុកដាក់ ក្នុងការជួយពលរដ្ឋរងគ្រោះទេ ដោយធ្វើព្រងើយកន្តើយ សង្ស័យគិតថា ស្ត្រីរងគ្រោះនោះក្រីក្រគ្មានប្រាក់ ទើបមិនអើពើនឹងគាត់។
ប្រភពដដែលបញ្ជាក់ថា សម្តី បែបនេះ ពុំសមជា មន្ត្រីយុត្តិ ធម៌ ស៊ីប្រាក់ខែរាស្ត្រនោះទេ បើមានមន្ត្រីបែបនេះ គ្រប់ទីកន្លែង ប្រជាពលរដ្ឋដែលរងគ្រោះដោយអំពើអយុត្តិធម៌ ច្បាស់ជា អង្គុយយំហើយ ។មិនអាចសុំការបំភ្លឺពីមន្ត្រីរូបនោះនិងអធិការនបគរបាលខណ្ឌដង្គោជុំវិញ ការលើកឡើងខាងលើនេះបានទេ ។
ស្ត្រីរងគ្រោះមានឈ្មោះ ទេព រ៉ន ភេទស្រី អាយុ៣៧ឆ្នាំមុខរបរ កម្មកររោងចក្រទឹកកក ស្នាក់នៅផ្ទះភូមិកើតហេតុខាងលើ ។ចំណែកជនដៃដល់មានឈ្មោះ បុង សៅ អាយុ៣០ឆ្នាំមានមុខរបរជាមេការ រោងចក្រផលិតទឹកកក។ មានស្រុកកំណើតនៅភូមិត្រពាំងពិការ ឃុំអំពិល ស្រុករមាសហែក ខេត្តស្វាយរៀង
បើតាមសម្ដីស្ដ្រីរងគ្រោះខាងលើបាននិយាយប្រាប់ទាំងទឹកភ្នែកឲ្យដឹងថា មុនពេលកើតហេតុគាត់បានទៅធ្វើការដូចរាល់ថ្ងៃ ហើយនៅកន្លែងធ្វើការរបស់គាត់មានគ្នាចំនួន៣នាក់ ពេលដែលចូលធ្វើការមេការរូបនោះបានប្រើអោយគាត់ជាន់ធុងទឹកកក ម្នាក់ឯង ចំណែក២នាក់ទៀតត្រូវមេការប្រើអោយជាន់ធុងជាមួយគ្នា ពេលនោះគាត់បានធ្វើការជាន់ធុងទឹកកកហើយ មុនចំណែក២នាក់ទៀតនោះជាន់មិនទាន់ហើយទេ ឃើញដូច្នេះមេការរបស់គាត់បានប្រើអោយទៅជួយជាន់២នាក់នោះទៀត តែគាត់ប្រកែកមិនព្រមទៅជួយក៏ត្រូវមេការមកវាយចំនួន៣ដៃបណ្ដាលអោយបែកចញ្ចើមហូរឈាមពេញខ្លួន ទើបគាត់រត់មកប្ដឹងសមត្ថកិច្ចប៉ុស្ដិ៍នគរបាលរដ្ឋបាលរដ្ឋបាលដង្កោ ។
បន្ទាប់ពីរទទួលបានពាក្យបណ្ដឹងស្រ្តីរងគ្រោះភ្លាមសមត្ថកិច្ចនគរបាលប៉ុស្តិ៍ដង្កោក៏បានទៅឃាត់និងនាំខ្លួនជនបង្ករយកមក ធ្វើការសាកសួរនៅប៉ុស្តិដង្កោ នៅចំពោះមុខសមត្ថកិច្ចជនបង្ករបានឆ្លើយប្រាប់ថា រូបគេពិតជាបានវ៉ៃទៅលើស្រ្តីរងគ្រោះមែន ព្រោះតែខឹងស្រ្តីរងគ្រោះជេនិងយកការទឹកមកគប់រូបគេ ធ្វើឲ្យគេទប់កំហឹងមិនបានក៏វាយតែម្ដង ។
បច្ចុប្បន្នជនបង្កខាងលើត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្ឋាននគរបាលខណ្ឌដង្កោ ដើម្បីចាត់ការបន្តតាម នីតិវិធីច្បាប់ ៕
